Mimí Ferreiro

Mimí Ferreiro é estudante de Iluminación, Captación e Tratamento da Imaxe na Escola de Imaxe e Son de A Coruña con formación previa en planificación de producións audiovisuais (RTVE) e fotografía, nun curso impartido por Sol Álvarez.

Participou en diversos proxectos, como a webserie Ecos dun Verán (2024), desempeñando labores de foto fixa, making of e axudantía de produción; e na curtametraxe Sempre estou aí (2024), nominada a mellor curta 9/16 no 9/16 FilmFest, como axudante de producción e foto fixa. Tamén colaborou no campo de voluntariado Días de Cine 2024 contribuíndo en todas as fases de creación de curtametraxes, desde a preprodución ata a posproducción, manexando equipos de imaxe e iluminación. Ademais, participou como voluntaria no Festival Intersección 2024, apoiando ao equipo de foto e vídeo e realizando making of.